Pfadileitung
Trupp Mörsburg (Winterthur)
Ich bin d Falena und scho sit em 98i i de Pfadi. Agfange hani i de Biendli und nachher bini Chnopf gsi i de Gruppe Adler. Als Leiterin hani i 06 i de Gruppe Loi agfange und nach 4 super Jahr det hani denn zäme mit de Strega und de Mijuchu dTruppleitig überno!
Usserhalb vo de Pfadi heiss ich Salome Gastberger und bi 1990 gebore. I ha jetzt im Summer 10 mini Matur a de Kantonsschuel Büelrain gmacht und wird vorussichtlich imne Jahr afange Medizin zstudiere. Aber zerscht wird ich i mim Zwüschejahr chli schaffe imne Treuhandbüro und nachher no go reise, aber sicher nebedra au wiiterhin mit voller Energie i de Pfadi debi si!
Hallo zäme! Ich bin d'Nadine Jucker, aber ide Pfadi bini als Sharena bekannt. Ich bin 17i und mach es Praktikum innere Chindertagesstätt als Fachfrau Betreuig, im Summer fang ich det au mini Lehr ah.
Ich bi sit 13 Jahr ide Pfadi und leite mit de Iniana, Siski und de Ara Gruppe Tiger sit ca. 2 Jahr.
I minere freizit losi gern musig,ga gern go shoppe und mach gern öpis fürd pfadi.
Trupp Mörsburg: GF Adler
Sali zeme. Ich bin d Yedra, im richtige Lebe heiss ich Carina Brossi und bin 17ni. Sit däm Summer mach ich e Lehr als Kauffrau bi dä AXA Winterthur. Ich leite d Gruppe Adler sit 3 Jahr und neu ez au mit dä Milou, Maimu, Tuuli und Lovis.
Nebst dä Pfadi tuen ich gern Choche, spile inere Band und mache gern mit mine Kollege öpis.
Freu mich uf wiiteri Pfadijahr. :)
Rhea Gubler / Milou
Hoi zäme! ich bin d'Maimu, gang sitem 2006 id Pfadi und leite sitem Winter 09 mit de Milou, de Yedra, de Lovis und de Tuuli i de Gruppe Adler.
Näbed de Pfadi nänneds mich Mara Keitel. Ich bin 14i und ide 2. Klass vom Gymi Rycheberg. I minre Freiziit gahni is Tanze, lise gern und oft und lose vill Musig.
Hei zeme! I de Pfadi heiss ich Lovis und sust Menoa Stauffer. Ich bin 96erin und gang is Gymi Rychenberg...sit ca. 4 jahr bini ide Pfadi und sitem Winter mit de Maimu, Tuuli, Milou und Yedra Leiterin vode Adler.
Heii zäme!
Ich bin d Tuuli aber usserhalb vo dä Pfadi sägets mir Saskia Gerber. Ich bin 13ni und gan sit öppe 4 Jahr id pfadi und leite jez sit letscht jahr mit dä Lovis, dä maimu, dä milou und dä Yedra bi dä Gruppe Adler! Usserhalb vo dä Pfadi gan ich i di 2. Sek im Hohfurri.
Trupp Mörsburg: GF Leu
Hoi, i de Pfadi heiss ich Oribi und suscht Nehir Schmid. Sit de Herbstferie 2007 leit ich mit de Falena und de Balaja d Gruppe Leu.
Ich gang i di 2. Klass am Rychenberg und ussert de Pfadi duen ich au no gern chlettere und Harfe spile.
Hoii zeme..!! Ich bin d'Sneschinka (odr au Sneschi*).. ich leite ez sitem Herbst 08 i de gruppe loi und ich bin echt stolz uf mini chnöpf und ha riesig froid a ihne.. :)
Susch heissich Elin Arnet und bin ez den gli 16i. Ich bsuech momentan d'kantonsschuel rycheberg und möcht spötr öpis i di gstalterischi richtig mache. Nebet mine kollegine und kollege binich vorallem mit designe und kreiiere beschäftigt. Ich wird au gli widr afange badmington z trainiere. Für vill me hobbys hanich gar ke ziit :).
Ich bin d'Soraya Gasser und 14i. I de Pfadi säged mer alli Feliz (das bedütet"fröhlich" uf Spanisch). Ich gahne i di 2.Klass am Gymi Rycheberg. Ussert dä Pfadi tuen ich gärn riite oder triff mich mit Fründe. I de Pfadi bin ich siit ich 6i bin, im Winter09/10 han ich bi de Gruppe Loi agfange leite.
I bi d Annina Landwehr und i dä Pfadi d Skimara.
I bi 14 und gah idä Rudolf Steiner Schuel Winterthur i di 8.Klass. I bi sit i 6i bi i de Pfadi und Leite sit em letschtä Winter (09/10) i dä Gruppä Loi und usserd dä Pfadi gah i no gärn go Riitä tue gern lese oder triff mi mit minä Kollegä oder Kolleginä.
Hallo zäme!
Ich heisse Katja Bächli, bin 14i und gange i die 2. Sek im Schuelhus St.Georgen. I de Pfadi seged mir aber alli Orenda (magischi Chraft uf indianisch). Ich bin siit etz denn 3 e halb Jahr debii und es isch immerno vool cool. Siit em letschte Winter tuen ich mit de Sneschinka, de Feliz und de Skimara i de Gruppe Loi leite. Das macht mir mega Spass. Nebed de Pfadi tuen ich i minere Freiziit gern schwümme, lese, Musik lose und mit mine Kolleginne Sache underneh.
Trupp Mörsburg: GF Tiger
Dorothe Wachter / Ara
Hallo zeme! Ich bin d'Kerstin Jucker und heisse ide Pfadi Waruna. Ich gahn is Schuelhus St.Georgen i di 2ti Oberstufe. Ich leite sitem Winter mit dä Shiwoy, dä Sharena und dä Ara idä Gruppe Tiger. Mini Hobbies ussert d' Pfadi sind au no schwümme, buchtanze, musig lose und öbis mit dä Kollege mache! =)
Ich bin d'Lynn Staiber und ide Pfadi heissi Shiwoy. Ich gang idi 2ti Oberstufe im Schuelhus St.Georgen :). Ich leite sitem Winter mit dä Waruna, dä Ara und dä Sharena zämä ide Gruppe Tiger. I minerä Freizit losi sehr gern Musig und gang viel dusse go Fuessball oder Basketball spiele.