Bienlileitung

Volk Lotos (Winterthur)

Ich bin dBalaja und bin sit em 2005 i de Pfadi. Nachdem ich es paar Jahr im Trupp Mörsburg gleitet han, bin ich denn zu de Bienli cho und leite sit letschtem Summer zäme mit de Tenera s'Volk Lotos.

Näbet de Pfadi heiss ich Martina Keller und bin im 91i gebore. I minere Freiziit schpiel ich Klavier, tuen gärn singe und läse, verusse sii und mit Fründe öppis mache. Und natürlich gang ich sehr gern i Pfadi! Vor eme Jahr han ich am Rychenberg d'Matur gmacht und bin nachher es halbs Jahr z'England gsi als Aupair, han es Praktikum gmacht und bin mit em Zug dur Osteuropa greist.
Im Herbst 11 fang ich a de Uni z'Züri a Germanistik studiere.

Hallo, ich bin dTenera. Ich leite scho sit em '05i ide Wabe Lilie, und es gfallt mer immer no gnauso guet wie am Afang! S'erscht Mal id Pfadi bin ich im '01 und bin denn öpe 4 Jahre selber als Chnopf ide Pfadi gsi, bevor ich agfange han leite. I dere Ziit bin ich au tauft worde: Tenera bedüüted "zart" uf latinisch. Leider bin ich nie es Bienli gsi, defür bin ich ja jetzt eis!
Wenn ich nöd ide Pfadi bin, gheiss ich Hannah Widmer. Ich bin im '92i gebore, wohne zVelte und gange mittlerwiile i di 6. Klass ade Kanti Rycheberg. Ich spiele gern Klavier und Federball, gange go schwümme oder go Velofahre, tuen gern lese oder irgendöpis undernä, und, natürli ganz wichtig, ich gange id Pfadi!

Volk Lotos: WF Lilie

Stefanie Kern / Glin

Lucrezia Calame / Mirtilli

Nadja Stemmle / Minx

Volk Lotos: WF Rose

Ich bin d'Bantje und siit em Summer 03 ide Pfadi. Zersch bini ide Biendli xii, denn zu de Pfadis cho und siit em Winter 09 leit ich zeme mit de Jiminy und de Alea d'Wabe Rose. Es gfallt mer uuuh guet! Usserhalb vo de Pfadi kennt mer mich als Eveline Weilenmann und ich bin im September 96 gebore. Ich gahn jetzt i di 3. Klass vom Gymi Rycheberg. Ussert de Pfadi tuen ich i minere Freiziit gern tanze, Giige spiile, öpis mit Früünde mache, dusse sii, lache und lädele...

Hallo ich bi d'Jiminy und bin sitem Früehlig'06 ide Pfadi!Ich bin uf dä Pfadiname Jiminy tauft worde, wil ich so fröhlich, offe, ehrlich und hilfbereit seg, wie d'Grille vom Pinocchio, wo dä glich Name het wie ich.Bis vor de Summerferie'09 bin ich bide Gruppe Adler Chnopf gsi. Und sitem Summer'09 bin ich Leiterin im Volk Lotos. Bis im Winter'10 han ich ide Wabe Lilie gleitet und jetzt leit ich mit de Bantje und de Alea d'Wabe Rose, was ich sehr lässig find!:) Usserhalb vo dä Pfadi kennt mer mich als Pascale Müller und ich bin im April'96 uf d'Wält cho. Ich bin jetzt ide 3.Sek im Schuelhuus Mattebach und gang nach de Summerferie id Kantonsschuel im Lee. I minere Freiziit, bin ich gern dusse, singe sehr gern, lache, mach gern öppis mit Früünde und natürlich gang ich id Pfadi was ich au usgsproche gern mach!

Rahel Jung / Alea

Volk Akelei (Elsau-Räterschen)

Min Name isch Happy, usserhalb vo dä Pfadi nännt mer mich Miriam Hobi. Ich bin ich 20 Jöhrli jung und han im Summer 09 mini 3-jährig Lehr als Fachfrau Information- und Dokumentation mit BMS abgschlosse. Momentan mach ich äs Praktikum im Waldchindergarte zWitikon. Danach möcht ich den gern Chindergärtnerin studiere.
I dä Pfadi bin ich bereits sit em 98 und sit em 05 bin ich Leiterin im Volk Akelei. Im Volk bin ich zueständig für d'Abmäldige, dä Elterkontakt und für diversi administrativi Sache.
Näb dä bin ich so guet wie a jedem Match vo Pfadi Winterthur Handball ahzträffe, lies sehr gern äs guets Buech und gang gern is Theater oder i Fottimuseene. Im Winter stahni au no liideschaftlich gern uf em Snowboard.

Hallo, min Name isch Rahel Capaul. I dä Pfadi seit mer mir aber Foletta. Mini Leiterkarriere han ich im 07 bim Trupp Habsburg gstartet, sit em Summer 09 bini jedoch neu Leiterin im Volk Akelei, was mir sehr gfallt.
Näb dä Pfadi mach ich sit em Summer 08 ä Lehr als Tiermedizinischipraxisassistentin im Tierspital Züri. I minere Freitziit undernimm ich gern öbis mit Kollege und stahn im Winter eigentlich jedes Wuchenänd ufem Snowboard, da ich im Bordercross Nachwuchskader bin.

Volk Akelei: WF