D'Pfadilüüt känned mich als Styra oder oftmals nänneds mich au eifach nur Sty. Mini Pfadilaufbahn hät erscht i de 6. Klass agfange. Aber sit deet häts mich packt und ich chume nüme los devo. G'leited hani für 5 Jahr bis im Summer '06 im Trupp Habsburg.
Nach ere churze Pfadipause hani mit andere zäme d'Fünkli Hotzeplotz in Elsau uf d'Bei gstellt. Sit em Summer '07 bin ich jetzt det begeischtered am leite. Es Jahr später hani zäme mit de Miaja und de Zarpa au na s'AL-Amt überno. Usserdem engagier ich mich immer wider für s'eint oder s'ander Projektli i de Pfadiregion Winti. I de Pfadi wird's mer also sicher nie langwiilig!!

Näbed de Pfadi bin ich d'Simone Waibel, 23 Jährli alt und e früschbachni Primarlehrerin.

Ich bin d'Miaja, im Jahr 1985 gebore. Ich bin scho me als mis halbe Läbe i dä Pfadi. Sit em Summer 2008 bini Abteiligsleiterin. 1994 hani i dä Biendli agfange, bin dänn gli äs Pfadisli worde und han dänn i dä Sek, als GF mini Leiterkarriere agfange.
I mim suschtige Läbe, heiss ich Natalie Schumacher und schaffe momentan grad als Verkaufsberaterin i dä Interio Wohngalerie da z'Winterthur, was mer grosse Spass macht.

Hallo, ich bin dTenera. Ich leite scho sit em '05i ide Wabe Lilie, und es gfallt mer immer no gnauso guet wie am Afang! S'erscht Mal id Pfadi bin ich im '01 und bin denn öpe 4 Jahre selber als Chnopf ide Pfadi gsi, bevor ich agfange han leite. I dere Ziit bin ich au tauft worde: Tenera bedüüted "zart" uf latinisch. Leider bin ich nie es Bienli gsi, defür bin ich ja jetzt eis!
Wenn ich nöd ide Pfadi bin, gheiss ich Hannah Widmer. Ich bin im '92i gebore, wohne zVelte und gange mittlerwiile i di 6. Klass ade Kanti Rycheberg. Ich spiele gern Klavier und Federball, gange go schwümme oder go Velofahre, tuen gern lese oder irgendöpis undernä, und, natürli ganz wichtig, ich gange id Pfadi!

Hallo ich bi d'Jiminy das isch au de Name vo de Grille vom Pinocchio. Mer seit sie seg sini guet Siite xsi.
Suscht kännt mer mich als Pascale Müller und ich bin im April 96 gebore. Siit em März 06 bin ich i de Pfadi mit debi.
Wenn ich i minere Freiziit nöd i de Pfadi bin, gah ich gärn go lädele, tue singe, lache, bin gärn im Garte und mit Fründe zäme.

Ich bin dBalaja und bin sit em 05 i de Pfadi. Zersch han ich i de Gruppe Leu gleitet und dänn mit de Mijuchu, de Strega und de Falena de Trupp Mörsburg übernoo. Wils aber im Volk Lotos echli Leitermangel gha hät, han ich ez zu de Bienli gwächslet, wos mer sehr guet gfallt. Ich han es Ziitli i de Wabe Lilie und nachher ide Wabe Rose gleitet. Ab em Summer 2010 übernimm ich zäme mit de Tenera und de Kalinka sVolk Lotos.
Näbet de Pfadi heiss ich Martina Keller und bin im 91i gebore. I minere Freiziit schpiel ich Klavier, tuen gärn singe und läse und mit Fründe öppis mache. Und natürlich gang ich sehr gern i Pfadi!
Im Summer schlüss ich dSchuel ab und mache es Zwüschejahr, bevor ich dänn sehr wahrschinli mit de Usbildig zur Primarlehrerin am Semi Unterstrass afang. Im Zwüschejahr wird ich unter anderem 6 Mönet als Au-Pair uf Cambridge ga und währed däre Ziit leider e churzi Pfadipause ileggä. Aber ich froi mich scho wieder uf wiiteri lässigi Üebige und Lager nachher!

Ich bin d'Happy, usserhalb vo dä Pfadi kännt mer mich under em Name Miriam Hobi. Momentan bin ich 19 Jöhrli jung und han im Summer 09 mini 3-jährig Lehr als Fachfrau Information- und Dokumentation mit BMS abgschlosse.
I dä Pfadi bin ich bereits sit em 98 und sit em 05 bin ich Leiterin im Volk Akelei. Im Volk bin ich zueständig für d'Abmäldige, dä Elterkontakt und für diversi administrativi Sache.
Näb dä bin ich so guet wie a jedem Match vo Pfadi Winterthur Hanball ahzträffe, lies sehr gern äs guets Buech und gang gern is Theater oder i Fottimuseene. Im Winter stahni au no liideschaftlich gern uf em Snowboard.

Ich bi d'Salome Gastberger und i de Pfadi heiss ich Falena. Sit drü Jahr leit ich i de Gruppe Leu und bin 17ni und gang is 2. Gymi is Büelrain.
Nebed de Pfadi spil ich Cello und gang go tanze.

Sali zeme. Ich bin d Yedra, im richtige Lebe heiss ich Carina Brossi und bin 14ni. Sit nach de Herbstferie 2007 leit ich mit de Strega und de Mijuchu d'Gruppe Adler.
Ich gahn i di ersti Sek und i minere Freiziit duen ich tanze, Gitarre spile und inere Band singe. Ab und zue duen ich schwümme.
Freu mich uf gueti und luschtigi Erlebnis als Leiterin.

Hoi zäme! Ich bin Sneschinka oder au Sneschi und leite sit em Herbst i de Gruppe Loi.
Susch heiss ich Elin Arnet und bin 14ni. Wenn ich nid grad i de Pfadi bin gang ich i die zweit Klass vom Gymi Rycheberg, oder han nätürli au no Hobbys, wie Zeichne, Badminton, lese, ...

Hallo zäme! Ich bin d'Nadine Jucker, aber ide Pfadi bini als Sharena bekannt. Ich bin 17i und mach es Praktikum innere Chinder­­tagesstätt als Fachfrau Betreuig, im Summer fang ich det au mini Lehr ah.
Ich bi sit 13 Jahr ide Pfadi und leite mit de Iniana, Siski und de Ara Gruppe Tiger sit ca. 2 Jahr.
I minere freizit losi gern musig,ga gern go shoppe und mach gern öpis fürd pfadi.

Hoi zämme =) min Pfadiname isch Aycula was uf serbokroatisch Haifisch bedütet.... i mim nöd Pfadi-Läbe bin ich d Jasmin Kläusler und leite sitt em Herbst '05 als GF im Trupp Habsburg.
Am 3.12.1991 bin ich z'Winterthur uf d'Wält cho und sitt em Herbst '01i de Pfadi. Momentan mach ich s'KV uf de Gmeindsverwaltig vo Hagenbuch und bin im dritte Lehrjahr.
Mini Motivation als Leiterin isch: mit glichaltrige zämmezschaffe, Jüngere d'Chance z'büte die gliche grossartige Erfahrige z'Erläbe, Abwächslig vom Bruef und d'Entlaschtig vo arme Eltere... Nebet de Pfadi bin ich au im Jungschützä-Kurs und vill am snowboarde.