Rudelruf Wukai

Leiterinnen: Kakadu
Wölfli: Jupidu
Leiterinnen: Aktion
Wölfli: Tschegschen
Leiterinnen:
Mir hends züg
Wölfli:
Für Höheflüg
Alle:
Sportlich, lustig und toll
Mir freued eus immer voll.
Mir wend nüme hei
Mir sind sRudel Wukai!

Leiter Rudel Wukai

Im Rudel Wukai leiten folgende Leiterinnen:

Leoni Hertig / Yinghua

Hallo, ich bin d`Yinghua und sitem Summer 2007 ide Pfadi. Bide Wabe Rose hani ahgfange, denn bini zude Gruppe Loi cho und nacher hani no es Jahr als Pio verbracht. Sitem Summer 2015 leit ich im Rudel Wukai und bin denebed au als Meuteleiterin tätig. Usserhalb vode Pfadi heiss ich Leoni Hertig und bin im Januar 2000 gebore. Momentan gan ich id FMS im Rycheberg. I minere Freizit tanzi sehr viel und gan jede Samshtig mit Vorfreud id Pfadi. Ich los gern Musig und wenn no Ziit blibt, unternimi gern öbis mit mine Fründe. Ich freu mich witerhin uf unvergesslichi und luschtigi Pfadimoment.

Xenia Moser / Lieto

Hallo, ich bin d' Lieto und sitem Herbst 05 ide Pfadi. Agfange hani i de Wabe Rose und bin den zu de Gruppe Tiger übereträtet. Nacher hani no 1 Jahr bi de Pios verbracht. Sitem Summer 14 leit ich im Rudel Raschka. Usserhalb vo de Pfadi heiss ich Xenia Moser und bin im Mai 99 gebore. Momentan mach ich e Usbildig zur Pharma-Assistentin. Ussert de Pfadi dueni i minere Freiziit viel und gern Fuessball spiele oder eppis mit Fründe unternäh. 

Muriel Blum / Pitschi

Hoi zäme! Ich bin d Pitschi, usserhalb vode Pfadi nennt mer mich au Muriel Blum. Im Herbst 2008 han ich mit de Pfadi agfange, bin zerst ide Wabe Lilie und spöter bide Loie gsi. Sitt Pfingste 2017 bin ich jetzt ide Meute Balu und leite s Rudel Wukai. Nebed de Pfadi gan ich ad Kantonsschuel Im Lee, spiele Gitarre, lise und undernimme gern Sache mit Fründe. Im Moment bin ich aber grad für es Jahr im Ustusch in Medellín, z Kolumbie. Im Summer 2019 wird ich wieder zruggcho und ich freu mich jetzt scho uf e tolli Zuekunft bide Pfadi Escheberg!

Julia Ochsner / Nandu

Hoi zäme, ich bin d‘ Nandu und bin sit 2011 ide Pfadi.  Ich han agfange ide Wabe Lilie, bin denn zude Gruppe Tiger überträtte und han denn no ungefähr 2 Jahr ide Pios verbracht. Ich leite sitem Summer 2018 im Rudel Wukai.

Usserhalb vode Pfadi heissi Julia Ochsner und bin im Juni 2002 gebore. Im Moment gang ich is Rycheberg, mitem neusprachliche Profil Spanisch- Englisch. I minere Freizit gangi is Theater, tuen mich gern sportlich betätige und gang natürli id Pfadi.

Ich freu mich sehr, dassich ide Meute Balu dörf leite und freue mich uf die tolli Ziit ide Pfadi!