Rudelruf Hathi

Leiterinnen: Gross!
Wölfli:   Das sind mir au. 
Leiterinnen:  Gschickt!
Wölfli:        Und dezue no schlau.
Alle:
Sitzed gern am Lagerfüür
und erlebed Abentüür.
Jedi isch e Glatti.
Mir sind sRudel Hathi!

Leiter Rudel Hathi

Folgende Leiterinnen leiten im Rudel Hathi:

Rahel Meier / Lanu

Hoi zeme, ich bin d’Lanu. Sit aafangs 2009 bin ich i de Pfadi Eschenberg. Zerst bide Wabe Lilie und später i de Gruppe Adler. Jetzt bin ich sit em Summer 2015 selber Leiterin, sit em Summer 2017 im Rudel Hathi. Wenn ich nöd grad i de Pfadi tätig bin, heiss ich Rahel Meier, spiele Klavier, gang oft go Velo fahre im Wald und unternimm gern öpis mit Fründe. Gebore bin ich am 1. Januar 2000 und bsueche momentan i de Kantonsschuel im Lee s’ Mathematisch-Naturwissenschaftliche Profil. Mir gfallts sehr guet i de Meute Balu und ich freue mich uf wiiteri aufregendi Samstignamitäg und Lager.

Juliette Radvila / Tikki

Hoi zeme, ich bin d Tikki und gang sit em 2006i id Pfadi Escheberg. Ich han bi de Fünkli agfange, bin denn id Wolfstufe cho und han nach vier Jahr i de Pfadistufe eis Jahr bi de Pios verbracht. Mit de Lanu und de Japavi leit ich sit em Summer 17 im Rudel Hathi. Wenn ich nöd i de Pfadi bin, spil ich sehr gern Theater, Badminton und mach öppis mit Fründe. Ich bin im Februar 03 uf d Welt cho und heisse Juliette Radvila. Momentan bin ich i de erste Klass vom Wirtschaftsgymi.